Allt við það sama í Holuhrauni

Eldgosið í Holuhrauni virðist vera á svipuðu róli og það var í gær. Pálmi Erlendsson jarðfræðingur hjá Veðurstofunni sagði í samtali við fréttastofu nú skömmu fyrir fréttir að nóttin hefði verið tiltöluega róleg, ef miðað er við að eldgos sé í gangi.

Dregið hefur úr skjálftavirkni úr svæðinu. Skjálftar hafa verið fáir og smáir, sá stærsti í nótt var upp á 3,1 stig sem telst vera frekar lítið. Vefmyndavél gefur til kynna að gosið sé á svipuðu róli og var í gær, þetta er hljóðlátt gos, að sögn Pálma, sem ekki veldur miklum óróa. Talsverð strókavirkni er þó enn og miðað við það er ekkert að draga úr gosinu.