Stór Cadillac gegn þýskum

Cadillac bílar teljast í lúxusflokki en þó framleiðir fyrirtækið ekki bíl sem keppt getur við stærstu fólksbíla þýsku lúxusframleiðendanna. Er þar átt við BMW 7-línuna, Audi A8 og Mercedes Benz S-Class.

Þessu hyggst Cadillac breyta með nýjum bíl. Hann á að fá nýjan undirvagn og eiga í raun fátt sameiginlegt með þeim gerðum sem Cadillac framleiðir í dag. Hann verður, eins og stórum lúxuskerrum sæmir, með afturhjóladrifi.

Cadillac er í eigu General Motors og svo mikið liggur þeim á að koma þessum bíl á markað að hann á að vera tilbúinn til sölu strax á næsta ári. Hvað útlit nýja bílsins varðar er veðjað á að hann erfi að mestu útlit tilraunabílsins Cadillac Elmiraj, sem sýndur var á flestum bílasýningum heims á síðasta ári. Hann þykir ógnarfagur bíll svo ef Cadillac eru trúr útliti hans, er von á góðu.

Segja má að mikið sé undir hjá Cadillac hvað þennan nýja bíl varðar. Staða bandarísku framleiðendanna nú er sú að þeir bjóða í raun engan frambærilegan stóran lúxusbíll sem keppir við lúxusmerkin frá Þýskalandi, Ítalíu og Bretland. Hefur svo verið í nokkurn tíma þó að annað hafi átt við á blómatíma bandarískrar bílaframleiðslu. Með þessum bíl gæti Cadillac stimplað sinn sem raunverulegan keppanda í þessum flokki bíla, eða gjörsamlega klúðrað hlutunum og þá sykkju bandarískir bílar enn neðar í samanburði við þá evrópsku.