Bandaríkin klár með hópinn fyrir HM

Mike Krzyzewski þjálfari bandaríska körfuboltalandsliðsins hefur valið 12 manna hópinn fyrir Heimsmeistarakeppni FIBA sem fram fer á Spáni í 30. ágúst til 14. september.

Damian Lillard, Chandler Parsons, Kyle Korver og Gordon Hayward voru þeir síðustu til að vera skornir niður og sendir heim en bandaríska liðið er að vanda mjög vel mannað þó stórar stjörnur hafi ákveðið að gefa ekki kost á sér í þetta skiptið.

Fari Bandaríkin alla leið á Spáni leikur það 9 leiki á 16 dögum og valdi þjálfarinn að fara með sex stóra leikmenn til Spánar því hann reiknar með því að liðið þurfi að kljást við Spán sem er með Gasol bræðurna, Marc og Pau, auk Serge Ibaka undir körfunni.

Því var Andre Drummond valinn að lokum ásamt Rudy Gay, Mason Plumlee, DeMarcus Cousins, Kenneth Faried og Anthonty Davis.

Leikmenn á borð við Kevin Durant, Kevin Love, Blake Griffin, LaMarcus Aldridge og Russel Westbrook mættu í æfingabúðirnar fyrir tveimur mánuðum síðan gáfu ekki kost á sér áður en Paul George meiddist illa.

Hópurinn er þannig skipaður:

DeMar DeRozan (Toronto Raptors)

Andre Drummond (Detroit Pistons)

Kyrie Irving (Cleveland Cavaliers)

Stephen Curry (Golden State Warriors)

James Harden (Houston Rockets)

Kenneth Faried (Denver Nuggets)

Anthony Davis (New Orleans Pelicans)

Derrick Rose (Chicago Bulls)

DeMarcus Cousins (Sacramento Kings)

Klay Thompson (Golden State Warriors)

Rudy Gay (Sacramento Kings)

Mason Plumlee (Brooklyn Nets)