Lengri augnhár á náttúrulegan hátt

Búðu til þína eigin náttúrulega augnháranæringu á einfaldan máta. Byrjaðu á því að þvo ílát eða þvoðu gamlan maskara sem að þú ert hætt að nota.

Sjóddu vatn  og skelltu maskaraílátinu út í í smátíma, þannig dauðhreinsarðu umbúðirnar. 



Blandaðu saman:



1/4 hluta af Castor olíu eða laxerolíu eins og hún heitir víst upp á íslensku.

Olían verður að vera hexane frí og kaldpressuð



1/2 hluti af E-vítamínolíu



1/4 hluti hreint Aloe vera gel



Hrærið hráefninu saman og setjið ofan í maskaraílátið. Ef að þú átt ekki maskara sem að þú mátt missa, settu þá næringuna í sótthreinsaðar umbúðir og berðu næringuna á augnhárin í lok hvers dags með eyrnapinna. Notaðu nýjan eyrnapinna á hverjum degi.

Ef að þú átt aftur á móti maskara sem að þú mátt missa, þá geturðu notað maskaraburstan til að bera næringuna á. Gerðu þetta á kvöldin áður en að þú ferð að sofa í 30 daga og sjáðu muninn