Survivor-keppandi látinn

Survivor-keppandinn Caleb Bankston lést í lestarslysi í gær en hann keppti í Survivor: Blood vs. Water í fyrra ásamt unnusta sínum, Colton Cumbie. Caleb endaði í níunda sæti. Caleb var aðeins 26 ára að aldri þegar hann lést.

„Caleb var ótrúlegur maður og vinur,“ segir Survivor-keppandinn Aras Baskauskas í samtali við tímaritið People.

„Hann er ein yndislegasta og einlægasta manneskja sem ég kynntist í lífinu. Ég er orðlaus yfir fráfalli hans. Ég hugsa til og bið fyrir fjölskyldu hans,“ bætir annar Survivor-keppandi við, Sabrina Thompson.

Caleb er þriðji Survivor-keppandinn sem hefur látist síðan þættirnir hófu göngu sína. Jenn Lyon, sem lenti í fjórða sæti í Survivor: Palau, lést árið 2010 eftir sex ára baráttu við brjóstakrabbamein. BB Andersen lést í fyrra úr krabbameini í heila, 77 ára að aldri.