Geturðu stillt upp besta NBA-liði sögunnar fyrir 15 dali?

Körfuboltavefsíðan ballislife.com setti inn skemmtilegan leik á Twitter-síðu sína sem hefur vægast sagt vakið mikla athygli.

Hann snýst um að velja besta lið sögunnar í NBA fyrir 15 dali en fimm bestu leikmennirnir, að mati síðunnar, í hverri stöðu eru listaðir upp og þeir verðlagðir á 1-5 dali.

Þetta hefur fengið körfuboltaunnendur á flug og ræða menn nú málin eða hnakkrífast. Að sjálfsögðu eru ekki allir á eitt sáttir við hvernig mennirnir eru verðlagðir og finnst mörgum Boston-mönnum til dæmis furðulegt að LeBron James skuli vera dýrari en LarryBird.

En flestir taka nú bara þátt í leiknum og stilla upp sínu besta liði. Bandaríska fréttasíðan Bleacher Report skrifar um leikinn og hefur þeirri frétt verið deilt hátt í 30.000 sinnum og hafa hátt í 2.000 manns sett inn sín lið í athugasemdakerfið.

Nú er bara að setja saman sitt eigið lið en það má vitaskuld bara taka einn leikmann úr hverri stöðu.

Dæmi um 15 dala lið: John Stockton ($2), MichaelJordan ($5), LeBron James ($5), DirkNowitzki ($2), Hakeem Olajuwon ($1).

Leikmennirnir sem má velja úr:

Leikstjórnendur:

Magic Johnson $5

Oscar Robertson $4

Isiah Thomas $3

John Stockton $2

Walt Frazier $1

Skotbakverðir:

Michael Jordan $5

Kobe Bryant $4

Jerry West $3

Clyde Drexler $2

Dwayne Wade $1

Litlir framherjar:

LeBron James $5

Larry Bird $4

Julius Erwing $3

Kevin Durant $2

Scottie Pippen $1

Kraftframherjar:

Karl Malone $5

Charles Barkley $4

Tim Duncan $3

Dirk Nowitzki $2

Kevin Garnett $1

Miðherjar:

Kareem Abdul-Jabbar $5

Bill Russell $4

Wilt Chamberlain $3

Shaquuille O'Neal $2

Hakeem Olajuwon $1

Pick your $15 All-time Starting Five pic.twitter.com/NPsa7VmDkA

— Ballislife.com (@Ballislife) May 28, 2014