Innlent

Arnar lék Bjarka í gabbfrétt Stöðvar 2

Haukur Viðar Alfreðsson skrifar
Sérlega glöggir áhorfendur kvöldfrétta Stöðvar 2 í gær tóku mögulega eftir því að eitthvað var bogið við viðtölin við athafnamennina Arnar og Bjarka Gunnlaugssyni, en þeir voru sagðir hafa opnað spilavíti í Perlunni í kjölfar lögleiðingar fjárhættuspila á Alþingi í gær.

Þó fyrir þingi liggi frumvarp um lögleiðingu fjárhættuspila undir ströngu eftirliti hins opinbera þá var það ekki samþykkt í gær. Um var að ræða árlegt aprílgabb fréttastofu Stöðvar 2.

Einnig var aðeins rætt við annan tvíburabræðranna, en það var Arnar sem veitti tvö viðtöl. Það seinna veitti hann í gervi bróður síns sem búsettur er í Nijmegen í Hollandi, og hafði Arnar þá skipt um föt.

Fréttastofa þakkar Arnari fyrir aðstoð sína við vinnslu fréttarinnar, og einnig þeim Willum Þór Þórssyni, þingmanni Framsóknarflokks, og Oddnýju Harðardóttur, þingmanni Samfylkingar.

Gabbfrétt Stöðvar 2
Aprílgabb

Mest lesið


Fleiri fréttir

Sjá meira


×

Mest lesið