Real Madrid í toppsætið í bili

Cristiano Ronaldo og Karim Benzema voru á skotskónum þegar Real Madrid vann 2-0 heimasigur á Granada í spænsku úrvalsdeildinni í knattspyrnu í dag.

Real Madrid réð gangi leiksins frá fyrstu mínútu þótt Granada hafi á tíðum gerst aðgangsharðir við mark heimamanna. Baráttan skilaði því að markalaust var í hálfleik.

Stuðningsmenn Real mynduðu stafina CR7 í stúkunni fyrir leik til heiðurs Portúgalanum Cristiano Ronaldo og sá þakkaði fyrir sig með marki á 56. mínútu. Benzema bætti við marki á 74. mínútu eftir frábæran undirbúning Marcelo og sigurinn í höfn.

Leikmenn Real fengu fjölmörg færi til að bæta við mörkum en voru kærulausir í aðgerðum sínum. Sigurinn setur liðið þó í efst sætið með tveggja stiga forskot á Barcelona og Atletico Madrid. Bæði lið eiga leik til góða.

Bernabeu in gold for Cristiano Ronaldo. pic.twitter.com/n9Yi2M7Tuw

— Sid Lowe (@sidlowe) January 25, 2014