Hamfarir LA Lakers halda áfram

Indiana Pacers heldur áfram á sigurbraut en liðið bar sigur úr býtum gegn Sacramento Kings, 115-92, í NBA-deildinni í nótt.

Paul George var frábær í liði Indiana og gerði 31 stig en það sama má segja um DeMarcus Cousins, leikmann Sacramento Kings, sem gerði einnig 31 stig í leiknum.

Hamfarir Los Angeles Lakers halda áfram í deildinni en liðið tapaði í nótt fyrir Cleveland Cavaliers 120-118 og var þetta fimmta tap Lakers í röð.

Luol Deng gerði 27 stig fyrr Cleveland og Anderson Varejao skoraði 18 stig og tók heil 18 fráköst í nótt.

Mike Brown, þjálfari Cleveland, vann því sína fyrrum félaga í LA Lakers á þeirra heimavelli en hann var rekinn sem þjálfari Lakers á síðasta tímabili.

Þá vann OKC góðan sigur á Memphis Grizzlies 90-87.

Úrslitin næturinnar:

Indiana Pacers - Sacramento Kings 116-92

Charlotte Bobcats - New York Knicks 108-98

LA Lakers Lakers  - Cleveland Cavaliers 118-120

Memphis Grizzlies – Oklahoma City Thunders 87-90