Oklahoma rúllaði yfir Clippers

Það var stórleikur á dagskránni í NBA-boltanum í nótt er Oklahoma tók á móti LA Clippers. Leikurinn var ekki eins spennandi og búist var við því heimamenn voru mikið sterkari.

Oklahoma var yfir allan leikinn, leiddi mest með 15 stigum og sigldi heim öruggum sigri. Kevin Durant atkvæðamestur hjá þeim með 28 stig. Durant gaf einnig 8 stoðsendingar og tók 6 fráköst.

Russell Westbrook skoraði 12 stig, tók 6 fráköst og gaf 5 stoðsendingar. Serge Ibaka skoraði 17 stig.

Blake Griffin skoraði 27 stig og tók 10 fráköst fyrir Clippers. Chris Paul skoraði 17 stig og gaf 12 stoðsendingar.

Úrslit:

Oklahoma-LA Clippers  105-91

Denver-Chicago  97-87