LeBron skorað yfir 10 stig í 503 leikjum í röð

LA Lakers og Miami Heat voru bæði á sigurbraut í NBA-deildinni í nótt en þá fóru fram fjórir leikir í deildinni.

Miami vann auðveldan sigur á Milwaukee og Lakers vann einnig þægilegan sigur á New Orleans.

Jordan Hill kom inn í byrjunarlið Lakers og átti stórleik. Skoraði 21 stig, sem er hans besta í deildinni, og tók 11 fráköst.

LeBron James, leikmaður Miami, náði þeim áfanga í nótt að skora yfir 10 stig í 503 leikjum í röð. Hann er aðeins fimmti leikmaðurinn í sögu NBA sem kemst yfir 500 leiki með yfir tíu stig.

James skoraði 33 stig í leiknum.

Úrslit:

Miami-Milwaukee  118-95

Dallas-Washington  105-95

Golden State-Detroit  113-95

LA Lakers-New Orleans  116-95