Los Angeles-liðin fylgjast með Odom

Lamar Odom virðist vera á ná tökum á lífi sínu á nýjan leik eftir skrautlega mánuði í viðjum vímuefna. Var meðal annars óttast um líf hans á tíma.

Hjónaband hans var í molum og var leitað að honum í sumar. Héldu þá margir að hann hefði jafnvel fyrirfarið sér.

Odom er búinn að rífa sig upp og er farinn að æfa körfubolta á nýjan leik með það að markmiði að komast aftur í NBA-deildina.

Bæði LA Lakers og LA Clippers eru sögð fylgjast grannt með gangi mála en hann hefur spilað með báðum félögum.

Leikmaðurinn þarf þó að sanna mikið áður en hann fær tækifæri á ný í deildinni.