Mayweather græddi 786 milljónir króna á sigri Miami

Hnefaleikakappinn Floyd Mayweather Jr. er moldríkur og er oftar en ekki einfaldlega kallaður Peningar og hann kallar félaga sína Peningateymið. Enn meiri peningar komu í teymið í nótt.

Mayweather ákvað að veðja á sigur Miami Heat gegn Indiana Pacers í oddaleiknum í nótt. Svo öruggur var Mayweather um sigur að hann veðjaði litlum 722 milljónum króna á sigur meistaranna.

Það borgaði sig heldur betur að tefla djarft því hann vann 786 milljónir króna á þessu útspili. Ágætis dagsverk það.

Miðað við þá peninga sem Mayweather er samt að raka inn þessa dagana eru þetta smáaurar fyrir honum. Engu að síður er afar sjaldgæft að menn veðji slíkum risaupphæðum á einn körfuboltaleik.