Crowe líklegur sem Nói

Leikstjórinn Darren Aronofsky á nú í samningaviðræðum við leikarann Russell Crowe um að fara með aðalhlutverkið í næstu kvikmynd leikstjórans, Noah.

Ísland kom til greina sem helsti tökustaður kvikmyndar Aronofskys um Nóa og örkina hans, en það hefur þó ekki verið staðfest. Leikarinn Christian Bale var lengi orðaður við hlutverk Nóa en nú þykir víst að Crowe muni hreppa það. Náist samningar er ætlunin að hefja tökur í júlí en kvikmyndin segir frá sköpun jarðar og þeim tíma sem Nói var uppi samkvæmt fyrstu Mósebók.