Wade: James á langt með að ná Jordan

Það er engin ný saga að menn beri saman körfuboltastjörnurnar Michael Jordan og LeBron James. Liðsfélagi James hjá Miami, Dwyane Wade, segir að James eigi nokkuð í land með að ná Jordan.

"Ég veit ekki hvort James hafi það sem til þarf að ná Jordan eður ei. Það á eftir að koma í ljós. Ef ég á að setja þetta upp þá er málið þannig að Jordan er búinn með 18 holur en James er á fjórðu. Hann á langt eftir og verður að koma í ljós hvort hann nái honum," sagði Wade.

"Það vita allir að LeBron er einstakur hæfileikamaður en Jordan er besti íþróttamaður allra tíma og það reyna allir að bera sig saman við hann. Það verður erfitt að gera betur en hann gerði."