Griffin skrifaði undir nýjan samning við Clippers

Stjörnuleikmaðurinn Blake Griffin er búinn að skrifa undir nýjan fimm ára samning við LA Clippers sem gæti fært honum 95 milljónir dollara á samningstímanum.

Griffin hefur farið á kostum í liði Clippers og var með 20,7 stig, 10,9 fráköst og 3,2 stoðsendingar að meðaltali í leik síðasta vetur er Clippers komst í úrslitakeppnina í fyrsta skipti síðan 2006.

Griffin er að æfa með bandaríska landsliðinu í Las Vegas fyrir Ólympíuleikana þessa dagana.

"Ánægður með að hafa skrifað undir nýjan samning. Get ekki beðið eftir að byrja næsta tímabil," skrifaði Griffinn á Twitter-síðu sína.