Nash skrifaði undir þriggja ára samning við Lakers

LA Lakers staðfesti í dag að leikstjórnandinn Steve Nash væri búinn að skrifa undir þriggja ára samning við félagið. Nash er 38 ára gamall.

Nash mun fá um 27 milljónir dollara á samningstímanum en hann kemur til Lakers frá Phoenix Suns.

Suns fær valrétt í fyrstu umferð nýliðavalsins frá Lakers árin 2013 og 2015. Einnig valrétt í annarri umferð 2013 og 2014.

Þessi þriggja ára samningur ber vott um að félagið hafi mikla trú á því að Nash verði enn í toppformi fertugur. Hann spilaði síðustu átta ár hjá Suns.