Irving skorar Kobe á hólm

Það er enginn skortur á sjálfstrausti hjá nýliða ársins í NBA-deildinni, Kyrie Irving, því hann er búinn að skora sjálfan Kobe Bryant á hólm í leik - einn á einn.

Irving vill þess utan setja 50 þúsund dollara undir og vill hann að féð fari til góðgerðarmálefnis.

Irving er ekki í bandaríska landsliðinu sem fer á ÓL en hefur verið í hópnum sem fékk að æfa með landsliðinu.

Kjúklingurinn ögraði Kobe allt þar til Kobe ákvað að taka slaginn. Reynsluboltinn las svo yfir stráknum og gerði honum grein fyrir því að hann ætti ekki möguleika á sigri.

Myndband af þessari skemmtilegu uppákomu má sjá hér að ofan.