Igor og Matthew verða í leikbanni í lokaumferð IEX-deildarinnar

Lokaumferðin í Iceland Express deild karla fer fram í kvöld þar sem að sex leikir fara fram. Tveir leikmenn verða í leikbanni í leikjunum í kvöld en aga- og úrskurðarnefnd KKÍ tók fyrir tvö máli í vikunni.

Igor Tratnik, leikmaður Tindastóls og Matthew Haiston leikmaður Þórs frá Þorlákshöfn fengu báðir eins leiks bann. Þeim var báðum vikið úr húsi þegar liðin áttust við í 20. umferðinni. Bann þeirra tekur gildi á hádegi fimmtudaginn 22. mars.

Grindavík er deildarmeistari og Valur og Haukar eru fallin lið en það er samt nóg undir í 22. og síðustu umferð Iceland Express-deildar.

Þrjú lið eiga möguleika á öðru sætinu og auk þess gætu Keflvíkingar nælt í heimavallarrétt ef úrslitin verða KR-ingum óhagstæð.

Leikir kvöldsin, og þeir hefjast allir kl. 19.15:

Haukar - Þór Þorlákshöfn Schenkerhöllin - Ásvellir

Valur - Snæfell Vodafonehöllin

Tindastóll - Njarðvík Sauðárkrókur

Grindavík - Stjarnan Grindavík

Fjölnir - Keflavík Dalhús

ÍR - KR Seljaskóli