Taphrina New York heldur áfram

Sjö leikir fóru fram í gær í NBA deildinni í körfuknattleik. Taphrina New York heldur áfram en liðið tapaði sínum fimmta leik í röð og nú gegn Philadelphia á heimavelli, 106-94.

Lou Williams skoraði 12 af alls 28 stigum sínum fyrir Philadelphia í þriðja leikhluta. Evan Turner skoraði 24 stig og tók 15 fráköst fyrir gestina. Carmelo Anthony skoraði 22 stig fyrir New York en Jeremy Lin hitti aðeins úr 5 af alls 14 skotum sínum.

Dwight Howard skoraði 30 stig og tók 13 fráköst fyrir Orlando í 107-94 sigri gegn Indiana. J.J. Redick skoraði 18 stig og gaf hann 9 stoðsendingar sem er persónulegt met. Orlando hefur unnið fjóra af síðustu 5 leikjum sínum í deildinni.

New York – Philadelphia 94-106

Cleveland – Houston 118-107

Toronto – Milwaukee 99-105

Orlando – Indiana 107-94

Denver – Memphis 91-94

Golden State – LA Clippers 97-93

Sacramento – Atlanta 99-106