Valencia aftur orðinn leikfær - Anderson, Nani og Jones fara ekki til Spánar

Antonio Valencia er búinn að ná sér að meiðslunum sem hann varð fyrir í sigrinum á Ajax á dögunum og verður með Manchester United í seinni leiknum á móti Athletic Bilbao í 16 liða úrslitum Meistaradeildarinnar.

Valencia hefur verið óheppinn með meiðsli í vetur en hann var að spila frábærlega í leikjunum áður en hann meiddist og var lykilmaðurinn á bak við nokkra mikilvæga sigra liðsins í janúar og febrúar.

Sir Alex Ferguson, stjóri Manchester United, getur hinsvegar ekki notað þá Anderson, Nani eða Phil Jones í leiknum en þeir eru meiddur og flugu ekki til Spánar.

Ferguson sagði að Nani hafi fengið högg á æfingu og yrði því ekki með í þessum leik þar sem United þarf að minnsta kosti að skora tvö mörk til að komast í átta liða úrslitin.

Athletic Bilbao vann fyrri leikinn 3-2 á Old Trafford og er því í lykilstöðu í leiknum á morgun.