NBA: Miami lagði Orlando | Lakers tapaði á heimavelli

Dwyane Wade skoraði 14 af alls 31 stigum sínum í fjórða leikhluta í 91-81 sigri Miami Heat gegn Orlando Magic í NBA deildinni í körfubolta í nótt. Chris Bosh skoraði 23 stig fyrir heimamenn sem hafa unnið 13 heimaleiki í röð. LeBron James skoraði 14 stig, tók 12 fráköst og gaf 7 stoðsendingar.

Dwight Howard skoraði 18 stig og tók 11 fráköst í liði Orlando.

LA Lakers tapaði 103-99 á heimavelli gegn Utah Jazz. Paul Millsap skoraði 24 stig fyrir Utah en þetta er fyrsti ósigur LA Lakers á heimaveli frá því á jóladag.Kobe Bryant skoraði 15 stig og hitti aðeins úr 3 af alls 20 skotum sínum í leiknum. Andrew Bynum skoraði 33 stig og tók 11 fráköst fyrir Lakers.

Russell Westbrook skoraði 28 stig fyrir Oklahoma í 111-95 sigri liðsins gegn Portland. Kevin Durant skoraði 26 stig, tók 7 fráköst og gaf 6 stoðsendingar fyrir heimamenn í Oklahoma.

Úrslit frá því í nótt:

Cleveland – Atlanta 87-103

LA Clippers – Detroit 87-83 (framlenging)

Memphis – Washington 97-92

Sacramenton – Minnesota 115-99

Miami – Orlando 91-81

Phoenix – Houston 99-86

Oklahoma – Portland 111-95

LA Lakers – Utah 99-103