Nýársfagnaður á Austur

Meðfylgjandi myndir voru teknar á nýársgleði sem fram fór á veitingastaðnum Austur en sá fögnuður er árviss viðburður.

Boðið var upp á humar og naut en á milli rétta sötruðu gestir Grand Orange úr rauðum kúlum.

Ari Eldjárn skemmti gestum við mikinn fögnuð, Sigríður Klingenberg spáði í framtíðina og Logi Bergmann Eiðsson stjórnaði veislunni.

Margeir plötusnúður og Jóel Pálsson saxafónleikari spiluðu tónlist og Human Woman stigu á stokk en þeir eru sestir að í Kaupmannahöfn því þeir voru að landa stórum útgáfusamning hjá HFN í Þýskalandi.