Fengu sér húðflúr

Hjónin Katy Perry og Russell Brand hafa verið í skotlínu fjölmiðla vestanhafs, sem telja að þau séu að skilja.

Perry og Russell hafa ávallt blásið á sögusagnirnar og gerðu tilraun til að sannfæra fjölmiðla á dögunum þegar þau fengu sér húðflúr saman. Þau heimsóttu húðflúrstofu í Los Angeles eftir tónleika þar í borg, en fengu sér reyndar ekki nafn hvort annars í varanlegu bleki, heldur fékk Perry sér broskall á ökklann og Brand fékk sér merki fótboltaliðsins West Ham United á upphandlegginn.

Þá fékk Perry að prófa að munda nálina og gaf tattúmeistaranum Bang Bang sams konar broskall og hún fékk sér.