Hryllir við tilhugsuninni um vinskap fyrrverandi

Söngkonan unga, Taylor Swift, reyndi án árangurs að endurvekja ástarsamband sitt og leikarans Jakes Gyllenhaal. Vinir parsins fyrrverandi segja Gyllenhaal ekki vilja umgangast Swift eftir að hún vingaðist við fyrrum kærustu hans, Reese Witherspoon.

„Taylor hefur nokkrum sinnum sett sig í samband við Jake en hann vill ekkert með hana hafa. Jake er frekar afslappaður náungi en honum finnst tilhugsunin um vinskap Taylor og Reese óþægileg. Reese var stóra ástin hans og hann gat hvorki sofið né borðað í marga daga eftir að hún sleit sambandinu," var haft eftir vininum.

Nýverið fluttu slúðurrit þar vestra fréttir af því að Gyllenhaal væri helsta umræðuefni vinkvennanna Swift og Witherspoon þegar þær hittust. Sé það rétt er engin furða að leikaranum hrylli við hugmyndinni um vinskap þeirra.