Kutcher í klandri

Sara Leal, konan sem Ashton Kutcher hélt framhjá Demi Moore með, hefur í fyrsta skipti tjáð sig opinberlega við tímaritið US Weekly. Og hún bætir ekki málstað Kutchers. Hún segist nefnilega hafa sofið hjá Kutcher í tvígang á brúðkaupsafmæli þeirra hjóna og eftir þau nánu kynni á Kutcher að hafa sagt að hann hafi aldrei upplifað slíka tilfinningu áður.

Sara bætir því við í viðtalinu að hún og Kutcher hafi rætt heimsmálin eftir að hafa sofið saman og þar hafi komið upp mál á borð við stjörnufræði, trúmál, ást og stjórnmál. Stúlkan upplýsir jafnframt í viðtalinu að hún og leikarinn hafi stundað óvarið kynlíf. Í samtali við The Sun bætir Leal um betur, upplýsir að Kutcher hafi upphaflega gert sér vonir um að sænga með Leal og vinkonu hennar en honum hafi ekki orðið að ósk sinni. Demi Moore er hins vegar byrjuð að ræða við skilnaðarlögfræðinga.