Toppurinn á ferlinum

Tónlistarmaðurinn Lou Reed segir að samstarf hans við rokkarana í Metallica sé toppurinn á hans ferli. „Við spiluðum saman og þá vissi ég það strax,“ sagði hann. „Þetta var algjör draumur.“ Reed og Metallica hófu óvænt samstarf og tóku upp plötuna Lulu sem kemur út 31. október.

Á meðal laga eru Junior Dad, Little Dog og Pumping Blood. Platan er byggð á tveimur verkum þýska leikskáldsins Frans Wedekind og samdi Reed lögin upphaflega fyrir leikrit í Berlín. „Þetta er það besta sem ég hef nokkru sinni gert og ég gerði það með besta bandinu sem ég gat fundið,“ sagði Reed, fyrrverandi forsprakki The Velvet Underground.