Verslar í Wallmart

Leikaranum John Travolta þykir ekkert tiltöku mál að versla bæði gjafir og nauðsynjavörur í bandarísku verslunarkeðjunni Wallmart þó hann fljúgi um heiminn í einkaþotu.

Samkvæmt innanbúðarmanni verslar Travolta reglulega í Wallmart og kaupir meðal annars fatnað sinn þar.

„Hann heimsækir verslunina reglulega og kaupir ekki aðeins fötin sín þar, heldur einnig gjafir handa vinum og ættingjum. Fjölskyldumeðlimum finnst þetta fyndið í ljósi þess hvað hann er ríkur. En þau kunna líka að meta gjafirnar því þau vita að John eyðir miklum tíma í að finna hina fullkomnu gjöf handa hverjum og einum."

Þetta er þó ekkert feimnismál fyrir leikarann því hann hefur staðfest þetta í viðtali.

„Í Wallmart fást ótrúlegar gjafir, ég keypti nokkra kjóla þar til að gefa í jólagjöf og þeir slógu í gegn," sagði hann.