Ron Artest tekur þátt í Dancing With The Stars

Körfuknattleiksmaðurinn Ron Artest, leikmaður Los Angeles Lakers, hefur verið kynntur sem einn af þátttakendum sjónvarpsþáttarins Dancing With The Stars sem nýtur gríðarlegra vinsældar í Bandaríkjunum.

Frægir aðilar í Bandaríkjunum hafa ávallt tekið þátt í þáttunum en þátturinn gengur út á það að einn atvinnudansari er paraður saman með amerískri stórstjörnu. Síðan kýs þjóðin sitt uppáhalds par og eftir stendur einn sigurvegari.

Ron Artest er þekktur fyrir að vera frábær varnarmaður í NBA-deildinni en hefur átt í erfileikum með skapið á sér í gegnum tíðina. Það verður því fróðlegt að fylgjast með þessum skrautlega karakter á dansgólfinu.

Artest virðist ekki hata athyglina en fyrir stuttu þá sótti leikmaðurinn um að fá að breyta nafninu sínu yfir í Metta World Peace sem er allt saman mjög eðlilegt.

Hér að ofan má sjá þegar Ron Artest var kynntur inn sem þátttakandi í þættinum.