Audda og Agli pakkað saman í strandblaki

Íslandsmótið í strandblaki fór fram í Fagralundi um helgina. Nýir Íslandsmeistarar voru krýndir auk þess sem sjónvarpsstjörnurnar Auðunn Blöndal og Egill Einarsson fengu að kenna á því.

Í A-flokki karla stóðu Emil Gunnarsson og Eiríkur Einarsson úr Stjörnunni uppi sem sigurvegarar. Þeir lögðu Einar Sigurðsson og Brynjar J. Pétursson úr HK í þremur lotum, 13-21, 22-20 og 15-13 í úrslitaleik. Einar og Brynjar áttu titil að verja.

Í A-flokki kvenna sigruðu Birta Björnsdóttir og Fríða Sigurðardóttir úr HK stöllur sínar Birnu Baldursdóttur úr KA og Ingibjörgu Gunnarsdóttur HK. Úrslitin 2-0 en loturnar fóru 21-15 og 21-19.

Sýningarleikur fór fram á mótinu þar sem hinar ungu Elísabet Einarsdóttir, 15 ára, og Berglind Gígja Jónsdóttir, 12 ára, tóku Auðun Blöndal og Egil Einarsson í kennslustund.

Lokastaðan í meistaraflokki.

A-flokkur karla

1. Emil Gunnarsson og Eiríkur R Eiríksson (Stjarnan)

2. Einar Sigurðsson og Brynjar J Pétursson (HK)

3. Ingólfur Guðjónsson og Alexander Stefánsson (HK)

A-flokkur kvenna

1. Birta Björnsdóttir og Fríða Sigurðardóttir (HK)

2. Birna Baldursdóttir og Ingibjörg Gunnarsdóttir (KA / HK)

3. Hjördís Eiríksdóttir og Fjóla Svavarsdóttir (Stjarnan / Þróttur R)

B-flokkur karla

1. Jón Ólafur Valdemarsson og Haraldur Björnsson (Hamri)

2. Óskar Þórðarsson og Arnar Björnsson (Hyrnan)

3. Eyþór Pétursson og Axel Þór Margeirssoon (Keflavík)

B-flokkur kvenna

1. Hera Ármannsdóttir og Oddný Jökulsdóttir (Höttur)

2. Anna M Björnsdóttir og Rósa Dögg Ómarsdóttir (Hyrnan)

3. Lilja M Hreiðarsdóttir og Andrea Burgherr (Fylki)

Úrslit í öðrum flokkum má finna á www.strandblak.is.