Howard íhugar að fara til Kína

Leikmenn NBA-deildarinnar eru margir farnir að velta fyrir sér hvar þeir eigi að spila körfubolta í vetur en það er verkbann í NBA-deildinni. Eins og staðan er núna verður ekkert spilað í deildinni í vetur.

Dwight Howard hjá Orlando er á meðal þeirra leikmanna sem skoðar sína möguleika núna en hann er nokkuð spenntur fyrir því að spila í Kína.

"Ég er í viðræðum við félög en get ekki tjáð mig um það sem stendur. Það er samt stór möguleiki á því að eg fari til Kína eða annars lands," sagði Howard.