Þýskar landsliðskonur í myndasyrpu hjá Playboy

Fimm leikmenn úr þýska U 20 ára kvenna-landsliðinu í fótbolta hafa vakið gríðarlega athygli í heimalandi sínu og víðar eftir að myndasyrpa af þeim var birt í þýskri útgáfu af tímaritinu Playboy. Eins og gefur að skilja eru leikmennirnir ekki í vetrarfatnaði í þeirri myndasyrpu.

Ivana Rudelic, Julia Simic, Annika Doppler sem eru leikmenn Bayern München eru á þessum myndum ásamt þeim Kristina Gessat úr FSV Gütersloh og Selina Wagner leikmanni Wolfsburg.

Gessat segir í blaðaviðtali að þær hafi ákveðið að gera þetta til þess að vekja athygli á kvennafótboltanum og heimsmeistaramótinu sem fram fer í Þýskalandi eftir um tvær vikur.