Búið að reka þjálfara Pistons

Hinn nýi eigandi Detroit Pistons, Tom Gores, var ekki lengi að láta til sín taka hjá félaginu því aðeins fjórum dögum eftir að hann eignaðist félagið var hann búinn að reka þjálfarann, John Kuester.

Kuester gerði allt sem hann gat til þess að rétta gengi Pistons við síðasta vetur en ekkert gekk upp. Hann er því atvinnulaus. Kuester skilaði 57-107 árangri með liðið á tveimur árum.

Pistons hefur verið í krísu. Menn innan félagsins rífast, árangurinn enginn og nóg af lausum sætum í Höllinni.

Fastlega er búist við því að hreinsað verði rækilega til í herbúðum félagsins í sumar.