Barcelona er ekki að fara að kaupa Wilshere

Það er mikið látið með miðjumanninn Jack Wilshere hjá Arsenal þessa dagana og bresku blöðin hafa þegar kastað því fram að Barcelona hafi áhuga á leikmanninum og ætli að kaupa hann.

Pep Guardiola, þjálfari Barcelona, viðurkennir að Wilshere sé góður leikmaður en ekki er að heyra á honum að til standi að kaupa Wilshere.

"Hann er frábær leikmaður fyrir Arsenal. Arsene vill ekki selja sína bestu menn," sagði Guardiola sem bíður spenntur eftir seinni leik liðanna í Meistaradeildinni.

"Arsenal er frábært lið og ég mun ekki tala illa um liðið. Þetta er frábært lið með frábæran þjálfara. Þeir verða erfiður andstæðingur rétt eins og síðast."