Anthony farinn til NY Knicks

Eftir margra vikna pælingar um hvar Carmelo Anthony myndi enda hefur loksins verið staðfest að hann sé á leiðinni til NY Knicks.

Knicks og Denver hafa skipst á mörgum leikmönnum. Þrír byrjunarliðsmenn Knicks og aðalvaramaður fóru til Denver í skiptum fyrir Anthony, Chauncey Billups og þrjá aðra leikmenn Denver.

Knicks er þar með komið með tvær risastjörnur því liðið fékk Amar´e Stoudemire til félagsins síðasta sumar. Vonast stuðningsmenn félagsins til þess að félagið fari aftur að geta eitthvað.

Anthony sjálfur vildi alltaf fara Knicks og fékk því sinn draum uppfylltan.

Anthony, Chauncey Billups, Shelden Williams, Renaldo Balkman og Anthony Carter fóru frá Denver sem fær í staðinn Danilo Gallinari, Raymond Felton, Wilson Chandler, Timofey Mozgo.

Að auki fær Denver tvo valrétti í háskólavalinu í 2. umferð og 3 milljónir dala í reiðufé eða um 350 milljónir kr.