AGS hefur þungar áhyggjur af Spáni

Alþjóðagjaldeyrissjóðurinn hefur lýst yfir miklum áhyggjum yfir veiku hagkerfi Spánar og segir ríkið langt því frá að ná nauðsynlegum umbótum til þess að rétta af efnahagskerfið sem hefur mátt þola þung högg undanfarið.

Í áliti AGS segir að vinnumarkaðurinn virki ekki sem skyldi og að mikil ógn steðji að bankastarfseminni þar í landi.

Áhyggjur AGS koma fram í kjölfar þess að spænski seðlabankinn tók yfir bankann Cajasur.

Þá bendir sjóðurinn á að fasteignamarkaðurinn á Spáni er í mikilli lægð, einkageirinn er mjög skuldsettur og að ríkið sé bæði veikburða í framleiðni og samkeppnishæfni.

Samkvæmt viðmælanda BBC, Andrew Walker, þá er þetta ekki í fyrsta skiptið sem sjóðurinn varar Spánverja við. AGS hafi aftur á móti aldrei áður verið jafn hispurslaust í yfirlýsingum sínum gagnvart stjórnvöldum þar í landi.