Reykjavíkurleikarnir hefjast í dag - opnunarhátíð í Laugardalslaug

Reykjavik International Games (RIG) eða Reykjavíkurleikarnir hefjast í dag. Um er að ræða íþróttakeppni í níu íþróttagreinum með 2000 þátttakendum þar af eru um 300 keppendur að koma erlendis frá.

Opnunarhátíð leikanna verður í Laugardalslauginni í kvöld kl. 19.30-22.00. Hátíðin hefst á glæsilegri sýningu. Risasviði verður fleytt út í laugina en þar verður meðal annars kynning á öllum íþróttagreinum leikanna sem og mikil ljósasýning.

Keppni hefst í tveimur íþróttagreinum í dag, sundi og keilu. Aðrar greinar hefjast á morgun laugardag. Það má finna nánari upplýsingar á heimasíðunni www.rig.is.