Ekkert ákveðið með framhald

Óvíst er hvort Helga Sigríður Sigurðardóttir, tólf ára stúlka frá Akureyri, þarf á hjartaígræðslu að halda en í ljós hefur komið að hún þjáist af kransæðastíflu.

Helga Sigríður var flutt til Svíþjóðar í síðustu viku eftir að hún missti meðvitund í sundtíma. Hún var flutt til Reykjavíkur, þar sem hún var tengd við hjarta- og lungnavél á gjörgæsludeild Landspítalans í fyrstu, en síðan var flogið með hana til Gautaborgar þar sem hún var tengd við gervihjarta.

Skýrast mun á næstu dögum hvaða meðferð verður fyrir valinu og hvort Helga Sigríður þarf nýtt hjarta.

Söfnunarnúmer fyrir Helgu Sigríði og fjölskyldu hennar er 0565-26-110378 og kennitala er 180470-3449.- sv