NBA-deildin: Cleveland vann sinn tíunda leik í röð

Tveir leikir fóru fram í NBA-deildinni í körfubolta í nótt þar sem Cleveland vann 102-86 sigur gegn Miami og Portland vann 96-93 sigur gegn San Antonio.

LeBron James átti enn einn stórleikinn með Cleveland og sá til þess að liðið náði að vinna sinn tíunda leik í röð þegar hann skoraði 36 stig en 17 af þeim stigum komu af vítalínunni.

Dwayne Wade var atkvæðamestur hjá Miami með 24 stig og 9 stoðsendingar.

LaMarcurs Aldridge skoraði 28 stig og reif niður 13 fráköst í sigri Portland gegn San Antonio en Manu Ginobili var stigahæstur hjá gestunum með 21 stig.

Úrslitin í nótt:

Cleveland-Miami 102-86

Portland-San Antonio 96-93