GAIS hélt jöfnu gegn toppliðinu

GAIS og Helsingborg gerðu markalaust jafntefli í sænsku úrvalsdeldinni í knattspyrnu í kvöld.

Eyjólfur Héðinsson og Hallgrímur Jónasson léku báðir allan leikinn fyrir GAIS sem er nú í sjöunda sæti deildarinnar með fimmtán stig.

Helsingborg er enn taplaust á toppi deildarinnar með 26 stig eftir tíu leiki.

Þá gerðu Mjällby og IFK Gautaborg einnig markalaust jafntefli í kvöld. Ragnar Sigurðsson og Hjálmar Jónsson léku allan leikinn fyrir Gautaborg og Theodór Elmar Bjarnason kom inn á sem varamaður á 56. mínútu.