Viðskipti erlent

Álverðið í 2.333 dollara á tonnið á markaðinum í London

Enn hækkar heimsmarkaðsverð á áli verulega milli daga á markaðinum í London. Í morgun stóð verðið í 2.333 dollurum fyrir tonnið miðað við þriggja mánaða framvirka samninga. Til samanburðar má nefna að verðið stóð í 2.280 dollurum í gærmorgun og hefur því hækkað um 53 dollara milli daga.

Chirag Shah greinandi hjá IDFC- SSKI Securities í Mumbai segir í samtali við Bloomberg fréttaveituna að eftirspurn fari nú vaxandi eftir áli á heimsvísu. „Fjárfestingar á vegum ríkisstjórna í gegnum örvunarpakka munu halda verðinu háu," segir Shah.

Eins og áður hefur komið fram hér á síðunni er þessi verðþróun á áli í samræmi við aðra málma og hrávörur eins og olíu. Fjárfestar leggja í auknum mæli fé sitt í málma og hrávörur vegna ótta um að gengi dollarans muni veikjast og að verðbólga fari vaxandi.





Mest lesið


Fleiri fréttir

Sjá meira


×

Mest lesið