Aguilera opnar sig

Christina Aguilera hefur loksins opnað sig í sambandi við nýlegan skilnað hennar og Jordans Bratman, en þau hittust árið 2002, trúlofuðu sig árið 2005 og giftu sig seinna sama ár.

„Þetta er ekki auðvelt og ég hef grátið mikið," segir Aguilera í viðtali við tímaritið RedBook.

„Það er ómögulegt að endurskilgreina sig og líf sitt á einni nóttu. Sem betur fer á ég mömmu mína að og lítinn hóp af nánum vinum sem eru til staðar allan sólarhringinn. Ég reiði mig á þá enda get ég treyst þeim."

Aguilera og Bratman eignuðust soninn Max í janúar árið 2008, en henni er tíðrætt um vinina í viðtalinu. „Þegar mér finnst nánast ómögulegt að fara fram úr rúminu og vera góð móðir þá styðja vinir mínir mig. Hvatning þeirra og stuðningur heldur mér á beinu brautinni."