Orlando vann enn einn sigurinn á Boston

Orlando Magic gerði sér lítið fyrir í nótt og vann sinn þriðja leik gegn Boston í vetur. Það gerði liðið þó svo Boston væri í fyrsta sinn í vetur með alla sína menn heila heilsu.

Boston leiddi reyndar fyrstu þrjá leikhlutana en Orlando var mun sterkara í lokaleikhlutanum og kláraði leikinn.

Boston skoraði aðeins 11 stig í leikhlutanum gegn 36 stigum frá Orlando.

"Við erum ekki lið sem skorar aðeins 11 stig í einum leikhluta," sagði Kevin Garnett, leikmaður Boston, hundfúll eftir leikinn.

Úrslit næturinnar:

Boston-Orlando  89-96

Toronto-Sacramento  115-104