Kobe ekki byrjaður að æfa

Meistarar LA Lakers eru byrjaðir að æfa fyrir komandi tímabil í NBA-deildinni. Tvo menn vantar í hópinn sem enn eru að jafna sig eftir aðgerð á hné í sumar.

Þetta eru þeir Kobe Bryant og Andrew Bynum. Þeir verða ekki með alveg strax en það styttist í þá.

"Ég tek þetta skref fyrir skref. Hnéð verður betra með hverjum degi og mér líður ágætlega. Ég þarf að byggja upp meiri styrk í hnénu áður en ég byrja að æfa á fullu," sagði Kobe sem hefur ekki miklar áhyggjur af framhaldinu.

Það er aðeins lengra í Bynum en hann verður væntanlega með seinni partinn í nóvember.