Van der Vaart missir af leiknum gegn Inter

Rafael van der Vaart mun ekki spila með Tottenham þegar liðið tekur á móti Evrópumeisturum Inter frá Ítalíu í Meistaradeild Evrópu annað kvöld.

Þetta er mikið áfall fyrir Tottenham enda Van der Vaart verið frábær með liðinu í haust.

Þar að auki eru þeir Michael Dawson, Jermain Defoe og Ledley King allir frá vegna meiðsla og Heurelho Gomes tekur út leikbann á morgun.

„Vandamálið er að fimm af mínum allra bestu leikmönnum eru meiddir," sagði Redknapp í samtali við fréttamenn í morgun. „Markvörðurinn er í banni, tveir miðverðir meiddir og svo eru Van der Vaart og Defoe frá. Þetta er hryggjarstykkið í liðinu og ég á því von á að þetta verði mjög erfitt."

Van der Vaart meiddir í leik United og Tottenham um helgina en hann tognaði á vöðva aftan á læri.

„Van der Vaart er góður leikmaður en ég held að hann hafi orðið of þreyttur og það er þá sem leikmenn meiðast."

„Hann hefur ekki oft spilað 90 mínútur í leik. Hann gerði það ekki með hollenska landsliðinu á HM í sumar og því vill það verða erfitt fyrir hann að klára síðustu 25 mínúturnar í hverjum leik."