Hamilton bensínlaus og sektaður um 1.3 miljónir

Lewis Hamilton náði besta tíma í tímatökum í dag. Eftir tímatökuna fékk hann 1.3 miljónir í sekt fyrir að stöðva ekki bílinn, heldur láta hann rúlla eftir brautinni, eftir að McLaren liðið bað hann að drepa á vélinni. Hann fékk sekt og var áminntur fyrir tiltækið. Autosport.com greinir frá þessu. McLaren menn báðu hann að drepa á vélinni þar sem hann var nærri bensínlaus og FIA þarf að taka bensínsýni af bílnum eftir keppni, til að kanna lögmæti eldsneytisins. Dómarar voru ekki hrinfir af því að hann stöðvaði ekki bílinn, heldur lét hann bílinn rúlla eftir brautinni, eftir að McLaren liðið bað hann að drepa á vélinn. Málið var líka að hann fór umfram tímann sem mátti við það að koma sér á þjónustusvæðið eftir að tímatöku er lokið. Autosport.com greinir frá þessu. Reglurnar segja að taka verður bensíni af bílum eftir tímatöku og McLaren vildi því ekki að tankurinn tæmdist. En glappaskot Hamilton var að láta bílinn renna sitjandi upp á honum. Hann ýtti svo bílnum í brautinni. Dómarar voru ekki eins hrifnir og áhorfendur af tiltækinu áminntu hann og sektuðu hann um 10.000 dollara eða tæpar 1.3 miljónir íslenskra króna fyrir að mæta of seint. Hamilton ræsir af stað á mýkri dekkjum en Mark Webber og Sebastian Vettel sem eru næstir honum á ráslínu. Hann þarf því að fara fyrr í þjónustuhlé, en ökumenn Red Bull. "Það verður fróðlegt að sjá hvernig gangur mála verður með þjónustuhléin, en ég tel að við séum í bestu mögulegri stöðunni, ekki síst í ljósi úkomu öryggisbílsins", sagði Hamilton sem greinilega býst við óhöppum í mótinu. "Ég nýt þess að vera fremstur á ráslínu. Við munum skoða mismunandi aðferðafræði fyrir kappaksturinn og besta ráðið er að stressa sig ekkert og leggja sig fram." Mótið í Montreal er í beinni útsendingu kl. 15.30 á Stöð 2 Sport á sunnudag.