Stoudemire vill hæstu launin hjá Phoenix

Amare Stoudemire er ekkert að hika við hlutina í Arizona. Kappinn vill fá hæstu laun allra leikmanna Phoenix Suns, ellegar ætlar hann að róa á önnur mið.

Stoudemire á eitt ár eftir af samningi sínum og vill vera áfam hjá Suns þar sem hann hefur verið í átta ár.

Stoudemire er lykilmaður í liði Suns en summan sem hann fengi fyrir hæsta samning sem í boði er, vegna launareglna NBA-deildarinnar, eru 17 milljónir dollara á ári.

Sjálfur segir hann allar líkur á að Suns sé tilbúið til að ganga að kröfum hans.