Bjarni snýr heim frá Noregi

Bjarni Ármannsson, fjárfestir og fyrrum forstjóri Glitnis, ætlar að flytja aftur heim frá Noregi í næsta mánuði, samkvæmt heimildum Markaðarins.

Áður en hann fór hlakkaði Bjarni til að njóta friðsældar og þægilegheita ytra, en kannski hefur friðurinn orðið fullmikill fyrir hans smekk.

Honum hefur að auki verið legið á hálsi í umræðu hér heima fyrir að „hlaupast á brott með fúlgur fjár".

Eftir stendur spurningin um hvort breytingar hafi orðið á á öðrum vígstöðvum hjá Bjarna. Hann sagði nefni­lega í við­tali við Dagens Nærings­liv í apríl að nærtækara væri að búa í Osló en Reykja­vík, væri ætlunin að leita að fjárfestingarmöguleikum á Norður­lönd­um og í Norður-Evrópu.

Hann hefur kannski komist að raun um að svo væri ekki.