Fékk líka milljónir frá Baugi

Steinunn Valdís Óskarsdóttir þingmaður Samfylkingarinnar fékk tvær milljónir króna í styrk frá Baugi í prófkjörsbaráttunni árið 2006. Hún fékk einnig tvær milljónir frá FL Group líkt og Guðlaugur Þór Þórðarson þingmaður Sjálfstæðisflokksins. Þetta kemur fram á fréttavef DV, dv.is, sem hefur undir höndum lista yfir þá sem þáðu styrki frá Baugi í prófkjörum fyrir þingkosningarnar 2007.

Þá segir að fleiri sem hafi þegið styrki frá fyrritækinu séu Helgi Hjörvar, Róbert Marshal, Sigríður Andersen og Guðfinna Bjarnadóttir.