Allt mömmu að kenna

Verjandi Jósefs Fritzels segir að það sé mömmu hans að kenna að hann lokaði dóttur sína inni og nauðgaði henni í tuttugu og fjögur ár.

Jósef Fritzel hefur gengist við öllum ákærunum sem á hann voru bornar vegna meðferðar hans á dótturinni Elísabet.Framan af neitaði hann ákæru um að hafa orðið að bana einu af sjö börnunum sem hann gat með Elísabet. Eftir að hafa hlustað á framburð hennar á myndbandi játaði hann einnig á sig þann verknað.

Lögfræðingur Fritzels Rudolf Mayer telur að megi rekja hegðan skjólstæðings síns til æskuára hans og ráðríkrar móður sem hafi verið valdamikill í lífi hans.

Jósef Fritzel var á sínum tíma úrskurðaður sakhæfur. Sálfræðingur sem Mayer fékk til að skoða hann sagði hinsvegar fyrir rétti að hann teldi réttast að Fritzel tæki út refsingu sína á geðdeild. Hann sé ennþá fullur af ranghugmyndum og gæti ennþá verið hættulegur þrátt fyrir að hann sé orðinn 73 ára gamall.

Í réttarhöldunum í dag reyndi Fritzel ekki að fela andlit sitt eins og hann gerði í upphafi. Hann var snyrtilega til fara og virtist rólegur og yfirvegaður. Hann á yfir höfði sér allt að lífstíðar fangelsi.